فنان فقير
فنان فقير علي باب اللة و الجيب مفيهش ولا سحتوت
و العمر فايت بيقول اة و القطر فايت بيقول توت
صحيتني لية يا شاويش يا شاويش دنا كنت سارح في الملكوت
لما بنام ببحلم و بعيش
لما بفوق ما بفوقش,بموت
و تقول علي كبير السن
و انا في قلبي ولد كتكوت
و تشوفني ببكي و انعي و ا نا و الدنيا لسة بنت بنوت
اشمعني قلبي ضناة الشيب من الشقا مهري و منكوت
قال الي قال العيب في الجيب
و الجيب مفيهش ولا سحتوت
صحيتني لية يا شاويش
يا شاويش دنا كنت سارح في الملكوت
و العمر فايت بيقول اة و القطر فايت بيقول توت
علي المحطة يا ولداة حتي المحطة كمان ها تفوت
صحيتني لية يا شاويش
يا شاويش دنا كنت سارح في الملكوت
و العمر فايت بيقول اة و القطر فايت بيقول توت
فؤاد حداد
No comments:
Post a Comment